Hargeysa(RH)Wasiirka Gaashaandhiga JSL Eng Ciise Axmed Yuusuf(Xawar) iyo Wasiirka Qorshaynta Qaranka Cawaale Ibraahim Shirwac oo socdaal shaqo ku tagay dalka Jabuuti ayaa maanta dalka dib ugu soo laabtay.
Radio Hormuud Studio 2 Hargeysa/Somaliland
Hargeysa(RH)Xukuumadda Jamhuuriyadda Somaliland ayaa jawaab ka bixisay hadalkii ka soo yeedhay dawladda Soomaaliya, taasi oo shaacisay inay diwaan gelinayso hantida Ma Guurtadda ah ee dalkeeda oo sheegtay inay ku jirto Jamhuuriyadda Somaliland.
Hargeysa(RH)Madaxweynaha Jamhuuriyadda Somaliland, Mudane Muuse Biixi Cabdi waxa uu wareegto madaxweyne oo summadeedu tahay JSL/XM/XKQ/222/1-269/022019, uu Xilka qaadis iyo Magacaabid ku sameeyey gudoomiye gobol iyo ku xigeenkiisa.
Hargeysa(RH)Wasiirka Wasaaradda Horumarinta Caafimaadka Jamhuuriyadda Somaliland Dr. Xasan Ismaaciil Yuusuf, ayaa magacaabay Guddi farsamo oo ka kooban 7 Dhakhtar oo ka hawl-geli doona soo afjarida Shaqaalaha caafimaad ee ka shaqeeya dalka.
Hargeysa(RH)Garabkii new UCID ee uu hoggaamiyaha u ahaa Jamaal Cali Xuseen ee la midoobay Xisbiga KULMIYE Sanadkii 2017kii, ayaa sheegay in aan Shirka Golaha dhexe ee KULMIYE xataa goob joogeyaal looga ogolaan.
Hargeysa(RH)wararka naga soo gaadhaya magaalada Muqdisho ayaa xaqiijinaya in Afar Wasiir Oo Xukuumaddii Madaxweyne Silaanyo ka tirsanaa ay maanta si kedis ah uga dageen Magaaladda Muqdisho ee Caasimadda Dalka Soomaaliya, halkaasi oo ay illaa Hadda ku sugan yihiin.
Hargeysa(RH)Guddida joogtada ah ee golaha Guurtida Somaliland ayaa waydiiyay wasiirka Diinta iyo Awqaafta waxa xukuumad ahaan uga meel yaalla xujayda Somaliland oo dhib ku qabta gudashada waajibkaadka Xajka iyo sidii loogu heli lahaa hab u gaar ah oo Somaliland ku tagto waxaanu sheegay in dadaallo badan oo ay sameeyaan aanay suuro gelin in Sucuudigu aqbalo warqado ay dadka reer Somaliland ku tagaan Xajka.
Hargeysa(RH)Wasaaradda Diinta iyo awqaafta Jamhuuriyadda Somaliland, ayaa markii ugu horreysay imtixaan ka qaadaysa Calaajyada ka hawlgala guud ahaan dalka Somaliland, gaar ahaan caasimadda Hargeysa kuwa ku yaalla oo wejiga koowaad noqon doona, si loo hubiyo goobaha aqoon diineed ahaan iyo tayo ahaanba ku habboon in dad lagu dabiibo iyo kuwa aan u qalmin.
Hargeysa(RH)Madaxweynaha Jamhuuriyadda Somaliland Muuse Biixi Cabdi, ayaa maanta xafiiskiisa ku qaabilay Aqoonyahan Michael Rubin oo ah madaxa maxadka American Enterprise Intitute isla markaana ah khabiir wax badan ka qoray qaddiyadda madax-bannaanida, Dimuqraaddiyadda iyo horumarka Somaliland ka hanaqaaday oo uu in badan beesha caalamka u bandhigay.
Hargeysa(RH)Madaxweynaha Jamhuuriyadda Somaliland Muuse Biixi Cabdi, ayaa maanta kulan la qaatay ergayga uu waddanka Turkey-gu u magacaabay wada-hadallada Somaliland iyo Soomaaliya Mr. Oglan Baker oo uu wehelinayo wakiilka Somaliland u qaabilsan Turkiga Ambassador Ali Noyan.