Warsaxafadeed ka soo baxay maamul goboleedka Jubaland ayaa lagu sheegay in maamulka uu ku qanacsan yahay tallaabooyinka uu qaadey Ra’iisul Wasaaruha ee "uu kaga jawaabay codsiyadii isdaba jooga ahaa ee ka imanayay qoyska, qaraabada iyo shacab weynaha Soomaaliyeed ee lagu dalbanayey sidii ay cadaalad ku heli lahayed sarkaalad ikraan Tahliil."
Golaha Midowga musharraxiinta madaxweynaha ayaa sidoo kale qoraal ay soo saareen goor dhowayd ku soo dhaweeyay warsaxaafadeed Ra'iisul Wasaare Rooble uu xilka uga joojiyay Fahad Yasin.
Warsaxaafadeedka Ra'iisul Wasaare Rooble uu xilka uga joojiyay Fahad Yasin ayaa waxa lagu yiri: "Markii (ra'iisul wasaaraha) uu garwaaqsaday in warbixintii hay'adda (NISA) ee ku saabsanayd kiiska Ikraan Tahliil, aanay ahayn mid lagu qanci karo. Ra'iisul Wasaaraha wuxuu shaqada ka joojiyay Agaasimaha Guud ee NISA, Fahad Yaasiin Xaaji Daahir".