RH: Adis ababa: In ka badan 27,700 oo muhaajiriin Itoobiyaan ah ayaa dib loogu celiyey dalkooda tan iyo bishii Abriil ee sanadkan, sida ay sheegtay hay’adda socdaalka adduunka ee IOM. Intii u dhaxeysay 1-dii Abriil iyo 27-kii Ogosto, Itoobiya waxaa soo gaadhay in ka badan 27,700 oo dib ugu soo laabtey.
Qaxootiga la soo celiyey waxaa ku jira 6,944 oo ka yimid Jabuuti, 6,696 oo ka yimid Soomaaliya, iyo 5,329 oo ka yimid Suudaan, sida ay sheegtay wakaaladda socdaalka ee Qaramada Midoobay warbixinteedii ugu dambaysay ee COVID-19 ee ay ka bixisay Itoobiya Sabtidii.
IOM ayaa sidoo kale xustay in ay diiwaan galisay ilaa 912 muhaajiriin ah oo kusoo laabtay dalka Itoobiya usbuucii la soo dhaafay. Maaddaama ay tahay hay'ad hoggaamineed oo ka taageerta dowladda Itoobiya maareynta dadka soogalootiga ah, IOM ayaa carabka ku adkeysay in ay sii waddayso taageerada ay ka siineyso dowladda dhanka isku dubaridka taageerada xarumaha karantiil ee magaalada Addis Ababa iyo gobollada, iyadoo wadar ahaan laga dhigay 35.
Hay'adda socdaalka ee Qaramada Midoobay ayaa sidoo kale shaaca ka qaaday inay siisay baaritaanka COVID-19 2,732 qof oo ku jira xarumaha karantiillada iyo xarumaha caafimaadka ee dowladda. Iyadoo lala kaashanayo Xafiiska Ka Hortagga Aafooyinka iyo Xafiiska Isku-dubbaridka Barnaamijka Cunnada ee IOM, IOM waxay sidoo kale siisay wacyigalinta tallaabooyinka ka hortagga ee COVID-19 waxayna siisay qalab kahortada shaqsiyadeed mutadawiciinta ka shaqeeya meelaha ay imanayaan dadka soogalootiga ah ee soo noqonaya.
Ayadoo uu si xawli ah ugu faafayo COVID 19 wadanmada bariga africa ayaa la qaadey talaabooyin uguhoreysa ee looga hortagayo faafida viruska,
wakaalada socdaalka ee qaramada midoobay waxay siisaa caawinaad toos ah muhaajiriinta dib ugu laabanaya xarumaha karantiillada, oo ay kujiraan diiwaangalinta, cuntada, biyaha iyo caawimaadda safarka sida ay IOM xustey.
Waxa ay sidoo kale u qaybisaa alaabada aan cuntada ahayn xarumaha karantiilka ee caasimada, Addis Ababa iyo dhamaan gobolada kaladuwan, oo ay kujiraan saabuunta, daawooyinka, xirmooyinka jikada, dharka, gogosha sariirta iyo furaashyada.
Ilaa iyo subaxnimadii Sabtida, Itoobiya waxaa la xaqiijiyay tiro gaadhaysa 48,140 oo xaalado COVID 19 ah iyadoo tirada dhimashadu gaadhay 758, sida ay sheegtay Wasaaradda Caafimaadka ee Itoobiya.
Sida laga soo xigtay wasaarada, tirada dib u soo kabashada ayaa sidoo kale sii kordheysa iyadoo ilaa iyo 17,415 bukaan ah oo laxaqiijiyey in xanuunku ku dhacay ay ilaa iyo hada soo kabteen.